บีบน้ำตา-โฟร์มด

ខែមករា 22, 2008 ម៉ោង 3:41 ព្រឹក · បានរៀបជា សំណុំឯកសារ ក្នុង កំសាន្ត, ផ្សេងៗ

http://www.ijigg.com/songs/V2EDAC7PD

FOUR – MOD บีบน้ำตา LYRICS

นี่เธอแคร์จริงๆด้วยหรอ หรือแค่เป็นกังวลเท่านั้น
เมื่อเธอรักเค้าแล้ว กลับมาคิดถึงฉันทำไม

ฉันจะเป็นยังไงของฉัน คงไม่เกี่ยวกับเธอเท่าไหร่
ให้เธอรู้ไว้นะ ให้เธอคิดไว้นะ ว่าฉันไม่ได้โทษเธอ

แค่เจออารมณ์ไหวหวั่น กับวันที่ดูว่างเปล่า
บรรยากาศเหงาๆ ก็คิดกันไปเรื่อยเปื่อย

ไม่ได้แล้วไรจริงๆ ไม่คิดให้เธอต้องแคร์
คนที่เจ็บที่พา ปล่อยไว้เถอะ อย่ากลับมา
ที่ยังร้องไห้ไปวันๆ ก็ฉันแค่บีบน้ำตา
กลับไปนะ ฉันไม่เคยคิดถึงเธอ

ก็ขอบคุณที่ยังสงสัย ก็ขอบใจที่ยังสงสาร
ที่ยังเดินคนเดียว แค่ไม่เจอคนดี ไม่ใช่เพราะยังรักเธอ

អ្នកណាអានដាច់ ក៏ដាច់! អានមិនដាច់ទេក៏មិនបាច់អានដែរ!!! 😛

តំណភ្ជាប់អចិន្ត្រៃ បញ្ចេញមតិ

ស្នាមញញឹមនៃអ្នកមានទុក្ខ

ខែមករា 21, 2008 ម៉ោង 2:54 ព្រឹក · បានរៀបជា សំណុំឯកសារ ក្នុង កំណាព្យ, ខ្ញុំគឺអញ្ចឹង!, អក្សរសាស្ត្រខ្មែរ

មានជីវិត ជួបបញ្ហា ចៀសមិនរួច

ទោះធំតូច ច្រើនឬតិច ជាធម្មតា

តែសំខាន់ នៅត្រង់យើង ស្រាយបញ្ហា

វិធីណា តាមផ្លូវណា ស្រាយឱ្យអស់។

ចំពោះគេ ខ្ញុំមិនដឹង ហើយមិនខ្វល់

តែខ្ញុំផ្ទាល់ ជួបបញ្ហា រាប់មិនអស់

កាលពីមុន ខ្ញុំនឹងយំ យំឱ្យខ្សោះ

ពេលនេះសោះ យំធ្វើអ្វី ស្ដាយទឹកភ្នែក។

ទោះបីខ្ញុំ ជួបទុក្ខធំ ខ្ញុំមិនយំ

ទុក្ខខ្ញុំធំ មិនខ្ចីយំ មិនយំយែក

យំធ្វើអ្វី យំនាំតែ ទ្រូងប្រេះបែក

ជូតទឹកភ្នែក ឈប់លែងយំ បែរញញឹម។

ពេលកើតទុក្ខ ស្នាមញញឹម ធ្ងន់ធ្ងរណាស់

ពេលញញឹម ទុក្ខក្រៃក្រាស់ គ្មានអ្នកដឹង

ពេលកើតទុក្ខ ខ្ញុំញញឹម ល្មមអ្នកដឹង

ថាចិត្តហ្នឹង បៀមទុក្ខធ្ងន់ ជាងយំទៀត។

ពេលនេះខ្ញុំ ខ្ញុំមិនយំ ខ្ញុំញញឹម

គ្មានគេដឹង ថាចិត្តខ្ញុំ ឈឺចុកសៀត

ចង់ឱ្យយំ ជួសញញឹម ពេលយូរទៀត

ព្រោះខ្ញុំនេះ មិនអាចយំ បានទៀតឡើយ។

ពេលកើតទុក្ខ ខ្ញុំស្រពោន គេស្ដីថា

ពេលនេះណា ខ្ញុំកើតទុក្ខ គ្មានពេលស្បើយ

ខ្ញុំញញឹម គ្មានគេថា ឱ្យខ្ញុំឡើយ

អ្នកឃើញហើយ តែពុំយល់ ពីចិត្តខ្ញុំ៕

9:58 PM

20.01.08

តំណភ្ជាប់អចិន្ត្រៃ Comments (11)

កំណាព្យ និង ចម្រៀងខ្មែរ

ខែមករា 19, 2008 ម៉ោង 9:02 ព្រឹក · បានរៀបជា សំណុំឯកសារ ក្នុង កំណាព្យ, ខ្ញុំគឺអញ្ចឹង!, ផ្សេងៗ, អត្ថបទ

សូមសង្កេតមើលសម្រង់បទចម្រៀងខាងក្រោមនេះ៖

១. (សុវត្ថិ) កាន់ហត្ថារៀមរាណាម៉ុម
ស្ដាប់រៃយំ និងឃ្មុំក្រេបផ្កា
(និសា)ជាសុបិនឬជាវាសនា
ស្គាល់គង្គាប៊ូស្រាជ្រោះភ្នំ ។

២. (សុវត្ថិ) ឆ្លងតាមដងកាត់ព្រឹគថ្លាឆ្វេង
ក្បង់ទឹកលេង ស្ដាប់ភ្លេងរងំ
(និសា) គឺជាព្រេងទឹកជ្រោះដងភ្នំ
ហូរប្រគំឃាត់ដំណើរយើង ។

បទខាងលើនេះ បើសង្កេតឱ្យច្បាស់ទៅ ទើបដឹងថា វាជាកំណាព្យខ្មែរ បទពាក្យប្រាំពីរ។ បទខាងក្រោមនេះ ក៏ដូចគ្នាដែរ៖

១. (និសា) ខ្យល់ត្រជាក់ បក់មកពីឆ្ងាយ
បក់មកប៉ះចំកាយ ល្ហើយចិត្ត
វាយោរំភើយ មកសណ្ឋិត
ជួយសណ្ដំដួងចិត្ត ឱ្យល្ហែរ ។

២. (សុវត្ថិ) ឋានសុខឋានសួគ៌ស្រស់ញញឹម
បងអង្គុយកៀកផ្ទឹមចិត្តស្នេហ៍
ស្ដាប់សៀងសូរស័ព្ទ អារម្មណ៍ល្ហែរ
ធម្មជាតិថ្នមបំពេរ បេះដូង ។

បើមើលមកបទខាងក្រោមនេះវិញ គឺកវីបានតាក់តែងជាបទពាក្យប្រាំបី…

១. រាត្រីសេកុង បានប្រុងប្រៀបប្រាណ

ចាំប្រុសកល្យាណជាគូវាសនា

នៅក្រោមរស្មីចន្ទរះភ្លឺថ្លា

ប្របឆ្នេរ ជលសារដែលហូររហែង។

២. រាត្រីសេកុង ត្រួយអនង្គចិត្ត

អ្នកហាក់មិនស្និទ្ធស្នេហ៍សែនចំបែង

ខ្ញុំនៅរង់ចាំ ចាំតែម្នាក់ឯង

ឱរា ចំបែងអូនរែងទន្ទឹង។

នេះជាការចែករំលែកមួយសម្រាប់អ្នកដែលចង់ចេះតែងចម្រៀង, ខ្ញុំគ្រាន់តែបានយល់ពីរឿងនេះ ដោយចៃដន្យប៉ុណ្ណោះ ដូច្នេះហើយ សូមមេត្តាស្វែងយល់បន្ថែមខ្លួនឯង។

អរគុណ អត្ថបទចម្រៀងខ្មែរ សម្រាប់អត្ថបទចម្រៀងទាំងនេះ!!!

តំណភ្ជាប់អចិន្ត្រៃ Comments (3)

ដើមឈើ!?

ខែមករា 19, 2008 ម៉ោង 8:41 ព្រឹក · បានរៀបជា សំណុំឯកសារ ក្នុង ខ្ញុំគឺអញ្ចឹង!, ផ្សេងៗ, រូបភាព

តំណភ្ជាប់អចិន្ត្រៃ បញ្ចេញមតិ

ទៅចឹងទៅ!?

ខែមករា 17, 2008 ម៉ោង 11:45 ព្រឹក · បានរៀបជា សំណុំឯកសារ ក្នុង ខ្ញុំគឺអញ្ចឹង!, ផ្សេងៗ

“អើ! ដឹងហើយ, ម៉ាង៉ៃបើមិនបានអានសៀវភៅទេ ឯងនឹងងាប់”!? ទៅចឹងទៅ? អានក៏ខុស, យ៉ាប់ម៉ងហើយនីនេះ! រជ្ជនីនៅជាមួយខ្ញុំរាល់ថ្ងៃ ខ្ញុំធ្វើអីគេដឹងទាំងអស់, ហើយគេធ្វើអីខ្ញុំក៏មិនសូវដឹងព្រោះមិនខ្ចីខ្វល់។ ឱ្យតែខ្ញុំអានសៀវភៅ ពាក្យមួយឃ្លានេះ ប្រាកដជាបានឮ, ស៊ាំណាស់លោកអើយ! ហេតុអីហ្អេះ? ព្រោះខ្ញុំអានសៀវភៅរាល់ថ្ងៃនោះអី! ចឹងក៏ឆ្ងល់ដែរ! គួរតែឆ្ងល់ថា ហេតុអីទើបនីនិយាយបែបនេះ ទើបត្រូវ!!!

អូ! និយាយចឹង, ម្សិលមិញទៅទិញសៀវភៅ! ដល់ទុកដាក់កង់ស្រួលបួលហើយ យួរសៀវភៅចូលបន្ទប់ គេសួរថា “ទិញសៀវភៅទៀតហើយ?” ដល់ចឹងទៅ រកពាក្យឆ្លើយលែងឃើញ។

ស្រាប់តែវែកទៅឃើញសៀវភៅប្រលោមលោកសម្រាប់គេពីរក្បាល ស្រវាតែម្ដង គ្រវាត់សៀវភៅពីរក្បាលទៀតចោលធ្វើមិនដឹង? ហើយក៏លោតមកជិះជាន់ខ្លួនប្រាណខ្ញុំ… នៅឈឺមិនទាន់បាត់… ហើយនេះ ជាទម្លាប់គេពេលសប្បាយចិត្ត… គិតទៅកម្មក្រាស់ណាស់ខ្ញុំ!!!

ពេលនេះ មិនដឹងថាគេអានចប់ឬនៅទេ? មិនហ៊ានសួរ!!! ខ្ញុំអានប្រលោមលោកមុន, ហើយអានចប់តាំងពីព្រឹកមិញម្ល៉េះ! ពីរក្បាលអានមួយវឹបគឺចប់ហើយ… ឱ្យតែមានរឿងប្រលោមលោក ស្អីផ្សេងទុកមួយឡែក… ខ្ញុំគឺអញ្ចឹង!!! 😆

តំណភ្ជាប់អចិន្ត្រៃ Comments (6)

សំនួរដែលកម្រមានអ្នកណាខ្វល់

ខែមករា 17, 2008 ម៉ោង 6:45 ព្រឹក · បានរៀបជា សំណុំឯកសារ ក្នុង ខ្ញុំគឺអញ្ចឹង!, ផ្សេងៗ

មានសំនួរជាច្រើនដែលខ្ញុំគិតថា មិនសូវមានគេខ្វល់ ហើយខ្ញុំជឿថាបើសួរសំនួរទាំងនេះទៅកាន់មនុស្សភាគច្រើន គេប្រាកដជារកចម្លើយមិនបានឡើយ ទោះបីជាចម្លើយទាំងអស់នោះ វាសម្រេចលើខ្លួនគេផ្ទាល់ក៏ដោយ។

ថ្ងៃនេះ សុំលើកយកសំនួរតូចមួយសម្រាប់ចែករំលែកដល់ទាំងអស់គ្នា។ «តើយើងគ្រប់គ្នារស់ដើម្បីអ្វី?»

អរគុណ!

តំណភ្ជាប់អចិន្ត្រៃ Comments (21)

ឆ្លងផុតមួយដំណាក់ហើយ

ខែមករា 16, 2008 ម៉ោង 3:05 ព្រឹក · បានរៀបជា សំណុំឯកសារ ក្នុង ខ្ញុំគឺអញ្ចឹង!, ផ្សេងៗ

ការប្រឡងបានបញ្ចប់ទៅហើយ… ខ្ញុំក៏ជាបេក្ខភាពម្នាក់ក្នុងចំណោមបេក្ខភាពទាំងបីដែលត្រូវបន្តទៅប្រឡងជម្រើសយកម្នាក់ជាមួយបេក្ខភាពទាំងប្រាំបួននាក់ពីសាខាផ្សេង… សមត្ថភាពនៅខ្សោយខ្លាំងណាស់… ខ្ញុំមិនធ្លាប់មានបទពិសោធក្នុងការប្រឡងនេះទេ… មិនដឹងអានសៀវភៅណា… មិនដឹងត្រូវរៀនអ្វីខ្លះ… ប្រឡងហើយ… ជាប់ហើយ នៅតែបារម្ភ… នៅតែខ្លាច… នៅតែព្រួយ…

តំណភ្ជាប់អចិន្ត្រៃ Comments (18)

សំនួរចេញពីចង្ក្រាន

ខែមករា 14, 2008 ម៉ោង 5:22 ព្រឹក · បានរៀបជា សំណុំឯកសារ ក្នុង ខ្ញុំគឺអញ្ចឹង!, ផ្សេងៗ

ព្រឹកមិញ ខ្ញុំបានក្រោកធ្វើការផ្ទះតាមធម្មតា។ ក្រោយអំពីបោសសម្អាត ខាងមុខផ្ទះរួចហើយ ខ្ញុំក៏ចូលទៅចង្ក្រានបាយដើម្បីមើលក្រែងល៍ទឹកពុះ ហើយក៏ឆ្លៀតដាក់កម្ដៅម្ហូបដែលសល់ពីល្ងាចផង។ ធម្មតាខ្ញុំមិនសូវខ្វល់ពីរឿងម្ហូបម្ហាអីប៉ុន្មានទេ ព្រោះថាពេលដាក់វាកម្ដៅហើយ ត្រូវទៅដាស់នី ឬក៏លាងកែវទៀត តែព្រឹកនេះ កែវម៉ាក់លាងរួចហើយ អញ្ចឹងខ្ញុំក៏ត្រូវយាមចង្ក្រាន ទម្រាំតែរៀបចំម្ហូបរួច ។កំឡុងពេលដែលខ្ញុំកំពុងតែសម្លឹងទៅវានោះ ចម្ងល់ក៏បានលេចចេញជារូបរាងមក… ម្ហូបមានពីរមុខ កំពុងតែពុះនៅលើចង្ក្រាន, បើត្រូវហូប តើនឹងត្រូវរើសយកមួយណា? ខត្រី ឬ ឆាខ្ញី? ហូបទាំងពីរបានឬអត់? បើហូប ខត្រី តើហេតុអី? ហើយបើហូប ឆាខ្ញី តើហេតុអីដែរ?

មនុស្សម្នាក់ បើគេសម្រេចចិត្តហូប ខត្រី នោះក៏ព្រោះតែគេចូលចិត្តត្រីហើយ តែបើគេហូបឆាខ្ញីវិញ គេក៏ប្រាកដជាចូលចិត្តឆាខ្ញីដូចគ្នា។ បើគេចូលចិត្តត្រី ហេតុអីក៏គេមិនហូបឆាខ្ញី? ឧទាហរណ៍ថា ខត្រីមានថ្នាំពុល តើគេនឹងនៅតែចង់ហូបវាឬទេ? ប្រហែលជាអត់ទេ គេអាចនឹងហូបឆាខ្ញីជំនួសហើយ។ បើអញ្ចឹងមែននោះ ម៉េចក៏គេមិនអាចហូបឆាខ្ញី ខណៈដែលខត្រីគ្មានថ្នាំពុល?

ព្រឹកនេះ គម្រោងថាញ៉ាំបាយកក ស្រាប់តែមកប្រទះរឿងស្មុគស្មាញបែបនេះ ខ្ញុំក៏សម្រេចចិត្តថា មិនញ៉ាំទេ។ ត្បិតតែអាចញ៉ាំមួយណាក៏បាន តែដោយសារតែមិនទាន់បាត់ឆ្ងល់ទើបមិនព្រមញ៉ាំ…

Philo ពេញទាំងខ្លួនតាំងពីចូលឆ្នាំថ្មីមក, បែបជិតឆ្កួតហើយ គ្រាន់តែអង្គុយមើលជញ្ជាំងក៏សើចទៅរួច… ថ្ងៃមុន អង្គុយស្ដាប់ព្រះធម៌រួចក៏សើច នីស្មានថាមានអីអស្ចារ្យ ទាញយកទៅស្ដាប់, គ្រាន់តែឮធម៌ ទម្លាក់ mp3 មកវិញយ៉ាងលឿន។ គេសួរថា ម៉េចបានសើច? …អ្នកស្ដាប់យល់ទើបគេសើច, មិនបាច់ចង់ដឹងទេ យើងមិនស្ដាប់ផង… គេថាមួយម៉ាត់មកវិញយ៉ាងធ្ងន់ថា អើ! ឆ្កួតជិតដល់ដំណាក់កាលធ្ងន់ធ្ងរហើយ ទើបស្ដាប់ធម៌ហើយសើចនោះ?

«មិនសំខាន់ថាអ្នកដទៃនិយាយថាម៉េចទេ អ្វីដែលសំខាន់គឺស្ថិតនៅលើខ្លួនយើងប៉ុណ្ណោះ» មិនអញ្ចឹងហ្អេះ?

តំណភ្ជាប់អចិន្ត្រៃ Comments (12)

ទីបំផុតប្រឡងរួចហើយ!

ខែមករា 12, 2008 ម៉ោង 11:44 ព្រឹក · បានរៀបជា សំណុំឯកសារ ក្នុង ខ្ញុំគឺអញ្ចឹង!, ផ្សេងៗ

ព្រឹកមិញនេះ ការប្រឡងសិស្សពូកែបានបញ្ចប់ទៅដោយស្ថាពរ! សូមនិយាយបកមកក្រោយ ពីស្ថានការណ៍មុនពេលប្រឡងវិញ! ក្រៅពីគេងលើសៀវភៅរាល់យប់ ថែមទាំងមានសកម្មភាពប្លែកៗទៀតដែលមិនដែលធ្លាប់ធ្វើ ដូចជាកាន់សៀវភៅអានពេញផ្ទះ មិនថាទីណានោះឡើយ ដែលរាល់ដង អានតែក្នុងបន្ទប់ប៉ុណ្ណោះ!

និយាយពីពេលមុនប្រឡងវិញម្ដង, យប់មិញនេះ មើលសៀវភៅដល់ម៉ោងពីរ។ ថាអត់ចេះទៅដូចមិនមែន ភ័យក៏មិនមែន តែគេងមិនលក់!

ការប្រឡងព្រឹកមិញនេះ ប្រព្រឹត្តទៅនៅម៉ោងប្រាំបីព្រឹក, ខ្ញុំទៅដល់សាលានៅម៉ោង ប្រាំពីរកន្លះ។ ក្រោយពីចែកវិញ្ញាសា ទើបដឹងថា ម៉ិខុសស្រឡះ, អ្វីដែលខ្ញុំគិត គឺ មហាវេស្សន្ដរជាតក មិនដឹងថា ស្អីដែលចេញជា រឿងរាមកេរ្តិ៍ សោះ!

ពេលវេលាកន្លងទៅអស់ប្រមាណជាមួយម៉ោងកន្លះ ខ្ញុំក៏ធ្វើហើយបានប្រមាណ ប៉ែតសិបភាគរយ។ បន្ទាប់ពីនោះ ខ្ញុំក៏បានបង្ហើយអ្វីដែលសេសសល់ និង ខំរកនឹកមើលអ្វីដែលចាំពុំបាន។

មួយម៉ោងកន្លះក្រោយមកទៀត, ការប្រឡងបានបញ្ចប់។ សិស្សដែលប្រឡងមុខវិជ្ជាភាសាខ្មែរនេះ ខ្លះធ្វើហើយ ខ្លះទៀតចេញតាំងពី ចូលបានមួយម៉ោង! អ្វីដែលអស្ចារ្យនោះ គឺ សិស្សដែលប្រឡងមុខវិជ្ជាភាសាខ្មែរនេះ ទាំងអស់ចោទជាសំណួរក្នុងសំនេរខុសទាំងអស់ លើកលែងតែខ្ញុំ និង បងថ្លៃប្រុសរបស់ខ្ញុំ (ជាគូនឹងបងស្រីរបស់ខ្ញុំ រជ្ជនី) ដែលចោទបានត្រូវ។

ប្រធាននោះ ជាប្រធានបែបពន្យល់ប្រៀបធៀបពីការយាងចូលព្រៃរបស់ព្រះរាម និង ព្រះវេស្សន្ដរ តើមួយណាមានឧត្តមភាពជាង?

មោទនភាពខ្លាំងណាស់ បានបងថ្លៃឆ្លាតបែបនេះ, គ្មានសង្ឃឹមថាឈ្នះអាគាត់ម្នាក់ហ្នឹងទេ តែប្រហែលជាអាចឈ្នះអ្នកផ្សេង!

ប៉ុណ្ណេះចុះ, ហត់ណាស់!

តំណភ្ជាប់អចិន្ត្រៃ Comments (24)

ថ្ងៃនេះថ្ងៃពុធហើយតើ!!! ជួយ!!!

ខែមករា 9, 2008 ម៉ោង 5:04 ព្រឹក · បានរៀបជា សំណុំឯកសារ ក្នុង ខ្ញុំគឺអញ្ចឹង!, ផ្សេងៗ

Wed, Thu, Fri, Sat… រំលងតែពីរថ្ងៃទៀតដល់ហើយ! ព្រលឹងមិនដឹងជាហោះទៅណាបាត់ទេ!!!

ទុករឿងភ័យម៉ាឡែកសិនចុះ, គឺថា ថ្ងៃសៅរ៍នេះ ជាថ្ងៃដែលរ៉េនណាត្រូវប្រឡងជម្រើសសិស្សពូកែនៅសាលាផ្នែកភាសាខ្មែរ។ មិនទាន់ចេះស្អីម៉ាម៉ាត់ផងហ្នឹង!

បងៗសិស្សពូកែអើយ! ទៅណាអស់ហើយ! ទីនេះមានសិស្សពូកែខ្មែរបួនដប់នាក់ដែរ តែសួរមិនដែលឆ្លើយសោះ! មានបងមួយនោះ ពូកែដល់កហើយ, ជាប់ជាសិស្សពូកែខ្មែរតាំងពីថ្នាក់ទីប្រាំបួន រហូតដល់ទី ដប់ពីរ… មិនព្រមជួយប្អូនអីបន្តិច! បងមួយនោះ ខំ call ទៅសួរ, មិនត្រឹមតែមិនប្រាប់ទេ សូម្បីតែលើកទូរស័ព្ទក៏អត់ទៀត! បងៗពិតជាព្រៃផ្សៃណាស់!

លោកគ្រូគណិតប្រាប់ថាឱ្យដូរទៅ, ត្បិតតែរៀនល្អដែរខាងគណិត តែសុំទោស, មិនអាចឡើយ! មុខវិជ្ជាដែលស្រឡាញ់គឺ ខ្មែរ, មិនមែនគណិតទេ!!!

ធ្វើចិត្តឱ្យស្ងប់ៗៗៗ!!! កុំភ័យ!!! តាមសម្រួល!!! Calm down… 😥 ជួយផង! ភ័យណាស់!

តំណភ្ជាប់អចិន្ត្រៃ Comments (14)

	Rachna_Rainna លើ ស្នាមញញឹមនៃអ្នកមានទុក្ខ
	Rachna_Rainna លើ សំនួរដែលកម្រមានអ្នកណាខ្វ…
	inu2d លើ ស្នាមញញឹមនៃអ្នកមានទុក្ខ
	khmerempire លើ ស្នាមញញឹមនៃអ្នកមានទុក្ខ
	Bandith លើ សំនួរដែលកម្រមានអ្នកណាខ្វ…

បេះដូងខ្មែរ

บีบน้ำตา-โฟร์มด

FOUR – MOD บีบน้ำตา LYRICS

ស្នាមញញឹមនៃអ្នកមានទុក្ខ

កំណាព្យ និង ចម្រៀងខ្មែរ

ដើមឈើ!?

ទៅចឹងទៅ!?

សំនួរដែលកម្រមានអ្នកណាខ្វល់

ឆ្លងផុតមួយដំណាក់ហើយ

សំនួរចេញពីចង្ក្រាន

ទីបំផុតប្រឡងរួចហើយ!

ថ្ងៃនេះថ្ងៃពុធហើយតើ!!! ជួយ!!!

ទំព័រ

អត្ថបទផ្សាយថ្មីៗ

មតិថ្មីៗ

ប្រកាសនានាដែលលើគេ

ចំណាត់ក្រុម

បណ្ណសារ

Blog Stats

មេតា

ការចុចច្រើនបំផុត

Flickr Photos

ខែកក្កដា 2024
អា	ច	អ	ព	ព្រ	សុ	ស
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

FOUR – MOD บีบน้ำตา LYRICS

ទំព័រ

អត្ថបទ​ផ្សាយ​ថ្មីៗ

មតិថ្មីៗ

ប្រកាសនានាដែលលើគេ

ចំណាត់ក្រុម

បណ្ណសារ

Blog Stats

មេតា

ការចុចច្រើនបំផុត

Flickr Photos

អត្ថបទផ្សាយថ្មីៗ